Se Zaia no vinze le elezion semo ciavadi tutti

Va ben che le elezion le è naltro ano, ma fioi, tegnemose ben duri. Aveo vist che i ne à mess al canone RAI in tea bolletta dea luce? ma se rendene conto che i vol spelarne come i pitt prima de metterli in pentola?
In tea foresta de Sherwood l'era na volta Robin Hood parchè al sceriffo al ghe ciavea tutti i schei a la povera zent.
In tel 2014 al sceriffo al se ciama Renzi e la so risma. Mi me piase ciamarghe faccia da "COOL" ( e se pol, parchè COOL in Inglese vol dir a posto, un figo.. ma par noialtri Veneti..no serve spiegazion)

Insomma, faccia da COOL al vol meterne 80 Euro (varda caso la stessa cifra che al ne à mess in busta) de canone RAI in tea bolletta dea luce..  ma sene fora de testa? Anca se no te à la TV bisogna che te paghe lo stess?


Se el fusse stat furbo sto COJON (e quà no ghe centra gnent l'Inglese) al varia cavà al canone mettendo in tee scarsele de i Italiani 113 Euro. ghe mancheo schei ala RAI che i continua a regalarli a destra e a  sinistra coi quiz come l'Eredità le Scatole eccetera? E dopo i fa anca le campagne par cior su schei par la ricerca? Pagar al canone RAI l'è come farghe la carità a Paperon de Paperoni.

Ste attenti quando che ghe sarà da votar in Veneto. Veo vist che fine che l'ha fatt la città de Treviso? L'è drio andar tutt in mona. No l'era mejo co l'era Gentilini?

Adess varden de no perderse anca Luca parchè senno' poder incartarsela e ndar tutti in malora. Luca al varà fatt anca lu i so sbagli come tutti, ma almanco saven chi che l'è, dove che l'è statt, da dove che el vien e come che la pensa.

La sinistra l'à fatt solche che impestarne tutti de tasse e verzerghe la porta a tutti quei che vol vegner dentro (za noialtri Italiani sen i mone dell'Europa).

Sten coe rece alte. No sten perder l'occasion. Se vince la sinistra la Region del Veneto, altro che pelagra....
0