Piove,piove piove, ma parchè piove cussì tant?

(by pio dal cin) tutti i diritti riservati copyright° 2014 pio dal cin. la riproduzione anche parziale del testo senza l'esplicita autorizzazione dell'autore è severamente vietata


Piove. piove piove piove.
Na volta l'era bel quando che piovea
adess ogni temporal che vien
ne toca star atenti, no se pol pi fidarse gnanca de star fora
parchè se ri-scia de negarse o de ciapar na saetta.

Mi penso che piove par diverse rason, e no solche parchè al governo l'è ladro ( ei mai stati onesti?)


Par mi piove anca parchè sen deventadi pi cativi.
I pari e le mari che se copa un co che altro, e se la va ben i se copa solche lori seno' i copa anca i fioi. 

No l'è pi rispeto par la natura. Se taja alberi e se fa su case e capanon senza rimission, se squarza roba quando che l'è zent che no l'à da magnar.

Se copa zent in nome de dio e se no te à almanco disdoto tatuaggi no te sembra gnanca bravo a zogar a balon o a cantar na canzon.

Piove parchè al Paron, lassu' l'è stuf. Le guere l'è da partut e come che l'à dita el Papa, l'è come se ghe fosse la guera mondial spezetada.

Anca lori, quei che fa la guera, i copa i tosatei, i buta zo aerei in tel mezo de na europa che la fa schifo parchè l'à capì anca al zoc che l'è na combriccola de farabutti che i fa i so interessi e no quei dea zent.

Se piove e quando che vien un temporal se caghen doss parchè no saven se 'nden sote aqua (come che l'è sucess al molinet dea croda) l'è parchè sen pi cativi. no se iuten pi come na volta e l'egoismo l'è deventà un modo de viver, se no na malatia.


vergognense come genere umano e fense un esame de cosiensa, forse l'è par quel che piove, piove,piove e no la smete. Forse l'è i Angeli che varda zo' e co i ne vede ghe vien da pianzer
0